Një femër shqiptare është dërguar në emergjencë nga familjarët pasi ka pësuar lëndime pasi dyshohet se ka kërcyer nga kati i dytë i shtëpisë së saj.
Ngjarja ndodhi të dielën rreth orës 18:30 në Gjakovë, dhe sipas mjekëve viktima është jashtë rrezikut për jetë.
Policia ka filluar hetimet për të përcaktuar natyrën e incidentit, duke e cilësuar rastin si të dyshuar për shtytje në vetëvrasje ose ndihmë në vetëvrasje.
Dëshmitë dhe provat materiale janë sekuestruar nga vendi i ngjarjes.
Prokurori i pranishëm në vendin e ngjarjes ka iniciuar procedurat e mëtejshme dhe hetimet janë në vazhdim për të zbardhur detajet e incidentit. /Njeshi/
