Një aksident i rëndë ka ndodhur në Istog, mbrëmjen e së hënës – ku kanë qenë të përfshira dy vetura dhe një traktor.
Një person ka vdekur dhe nëntë të tjerë kanë mbetur të lënduar, dy prej të cilëve në gjendje të rëndë.
Lajmin për ‘RADIO 1’ e ka konfirmuar Fadil Gashi, Zëdhënës i Policisë së Kosovës për Rajonin e Pejës.
“Vdekjen e ka konstatuar mjeku në Spitalin Rajonal të Pejës”, ka thënë Gashi.
Gashi shtoi se personat e lënduar janë jashtë rrezikut për jetë, por me lëndime serioze trupore./Njeshi/
