Nora Gjakova e ka fituar medaljen e artë në Grand Slamin e xhudos që po mbahet në Baku të Azerbajxhanit.
Xhudistja jonë ia doli të triumfonte në këtë kompeticonin, ndërsa pjesëmarrës janë 446 garues në total nga 61 shtete.
Nora e nisi rrugëtimin nga raundi i dytë, derisa fitoi me ‘ippon’ ndaj polakes Arleta Podolak, në raundin e tretë gjithashtu fitoi me ‘ippon’ ndaj gjermanes Seija Ballhaus, ndërsa në çerekfinale ajo mposhti Priscilla Gneton e Francës, po ashtu me ‘ippon’.
Në gjysmëfinale, xhudistja pejane mposhti turken Hasret Bozkurt, për të kaluar në finalen e madhe, aty ku u përball me Eteri Liperteliani të Gjeorgjisë.
Gjakova e mposhti gjeorgjianen me Waz-ari, për t’i fituar kështu Kosovës medaljen e artë. 
Ndërsa Distria Krasniqi ka fituar medaljen e argjendtë në Grand Slamin e Bakut ku paraqiten 452 xhudistë nga 61 shtete të ndryshme.
Kosova ka siguruar tashmë medaljen e parë në në Grand Slamin që po mbahet në Baku.
Është xhudistja pejane, Distria Krasniqi, e cila ka fituar medaljen e argjendtë në kategorinë deri në 52 kilogramë.
Në finale, xhudistja jonë ishte e pafat, duke u mposhtur në ‘golden score’ pas tri gabimeve nga japonezia Kisumi Omori.
Në luftën e parë, Distria mposhti me ‘waza-ari’ brazilianen Jessica Pereria, ndërsa në çerekfinale ajo triumfoi ndaj marokenes Soumiya Iraoui.
Në gjysmëfinale, pejania mori një fitore të madhe ndaj italianes Odette Giuffrida. /Njeshi/
