23.3 C
Pec
E diel, 14 Korrik, 2024

Normalizimi i marrëdhënieve, kryenegociatorët Bislimi dhe Petkoviq takohen sot në Bruksel

Kryenegociatorët Besnik Bislimi dhe Petar Petkoviq do të takohen sot në Bruksel për një takim në të cilin, siç tha zëdhënësi i BE-së, Peter Stano, do të jetë “nisja urgjente e zbatimit të Marrëveshjes për rrugën drejt normalizimit të marrëdhënieve“ ndërmjet Kosovës dhe Serbisë.

I pyetur nga gazetarët për njohjen e ndërsjellë, Stano tha se qëllimi i dialogut Kosovë-Serbi është “normalizimi i raporteve”.

“Kjo detyrë është dhënë nga BE-ja si mandat për lehtësuesit e dialogut. Pra, mandati është t’u ndihmohet dy palëve që t’i normalizojnë raportet. Njohja nuk është pjesë e mandatit. Natyrisht, konsekuencë logjike e normalizimit do të ishte njohja. Por, kjo është diçka shumë larg në rrugën e procesit”, tha Stano.

Ai konfirmoi se nesër do të ketë një takim ndërmjet kryenegociatorëve, ashtu siç paralajmëroi Përfaqësuesi i Lartë i Bashkimit Europian për Politikë të Jashtme dhe Siguri, Josep Borrell të mërkurën e kaluar pas takimeve me kryeministrin e Kosovës, Albin Kurti dhe presidentin e Serbisë, Aleksnadar Vuçiq. Mungoi një takim trepalësh. /Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...