Po vazhdon edhe sot procesi i numërimit të votave me kusht dhe të atyre të personave me nevoja të veçanta.
Bazuar në të dhënat e fundit të publikuara mbrëmë në faqen e Komisionit Qendror të Zgjedhjeve janë numëruar 78.57% e këtyre votave.
Sipas të dhënave të fundit, nga votimi me kusht, Lëvizja Vetëvendosje ka siguruar 2634 vota ose 40.21 %, e dyta radhitet Partia Demokratike e Kosovës me 1186 ose 18.11 %
Pas PDK-së, renditet Lidhja Demokratike e Kosovës me 887 vota ose 13.54 %, pasuar nga Lista Serbe me 745 ose 11.37 %, më pas vjen Aleanca për Ardhmërinë e Kosovës me partnerët e koalicionit që ka siguruar 407 vota ose 6.21%.
Një ditë më parë ka përfunduar procesi i numërimit të votave me postë për zgjedhjet e 9 shkurtit.
Ndërkaq, përfundimi i tërë procesit të numërimit pritet të bëhet gjatë ditës së sotme. /Njeshi/
