Presidentja Vjosa Osmani ka shkrua në llogarinë e saj në Facebook për vizitën që po zhvillon në Brunei, të cilën e ka cilësuar si “historike”.
Osmani ka publikuar pamje nga pritja që i është bërë atje e takimet që ka zhvilluar, teksa ka thënë se ka potencial të jashtëzakonshëm për bashkëpunim mes dy vendeve.
Prej atje, Osmani njoftoi se ky shtet ka hequr vizat për qytetarët e Kosovës.
“Një raport i ndërtuar mbi respekt e besim reciprok! Një e ardhme e ndritur e potencial i jashtëzakonshëm për bashkëpunim! Faleminderit Madhërisë së Tij, Sulltan Haxhi Hassanal Bolkiah për mikpritjen e jashtëzakonshme dhe nderimin që iu bë sot Republikës së Kosovës!”, ka shkruar Osmani./Njeshi/
