Presidentja e vendit, Vjosa Osmani, me ftesë të homologut të saj kroat, Zoran Millanoviq sot fillon vizitën në Kroaci.
Osmani do të marrë pjesë në një organizim tradicional të garave me kuaj të quajtur “Sinjska Alka” që mbahet në qytetin e Sinjit në Kroaci.
“Presidentja e Kosovës, Vjosa Osmani, do të vij në Sinjska Alka me ftesë të presidentit Millanoviq, i cili sikurse në vitet e kaluara është organizator i Sinjska Alka( Unaza e Sinjit). Arritja e saj në Sinj është dakorduar më herët nën drejtimin e Shoqërisë së Alkar, që në vitet fundit po përpiqet të ndërkombëtarizojë këtë ngjarje tradicionale kalorsiake në Sinj dhe do të promovohet jashtë kufijve të Kroacisë”, thuhet në njoftimin për shtyp.
Në këtë vizitë në Kroaci, presidentja e Kosovës, Vjosa Osmani, do të jetë e shoqëruar nga bashkëshorti Prindon Sadriu. Për të qenë e pranishme në publik, presidentja sot ka dërguar njoftime të takimeve që i ka realizuar gjatë javës.
Gjithashtu është paraparë që Presidentja të vizitojë edhe ekspozitën “Vanja Radush” dhe Stipe Sikirica- dialog mes mësuesve dhe nxënësve, nën drejtimin e kuratores së ekspozitës Ana Zhanko dhe drejtoreshës së Galerisë, Dragana Modriq./Njeshi/
