Presidentja e Republikës së Kosovës, Vjosa Osmani, ka pritur në takim dy senatorët amerikan Chris Murphy dhe Gary Peters.
Ku në këtë takim mes tyre u diskutua rreh bashkëpunimit ushtarak mes SHBA-së dhe Kosovës.
Osmani nga ambasadorët ka kërkuar përkrahje të vazhdueshme, sa i përket Kosovës në anëtarësimin e organizatave ndërkombëtare.
Më tutje, Osmani theksoi se Kosova do ti zbatojë të gjitha detyrimet sa i përket marrëveshjeve të fundit në Bruksel dhe Ohër.
‘’Marrëdhënia në mes Republikës së Kosovës dhe SHBA-së nuk është vetëm e rëndësishme por ekzistenciale.
Kosova është partneri kryesor i SHBA në këtë rajon, siç është dëshmuar në matjet e fundit nga organizata të ndryshme dhe siç dëshmohet nga bashkëpunimi i këtyre shteteve, Kosova është vendi më pro-amerikan në botë.
Në këtë takim shpreha nevojën e bashkëpunimit ushtarak me SHBA-në, sepse bashkëpunimi ynë ka dhënë rezultate të jashtëzakonshme edhe në vend edhe në rajon.
Për më tepër kam kërkuar përkrahje të vazhdueshme sa i përket Kosovës në organizata ndërkombëtare, anëtarësimi i Kosovës në këto organizata do të ishte një veprim i qartë në favor të paqes në rajon.
Në kuadër të dialogut, i njoftova edhe për listën e gjatë të shkeljeve të Serbisë, e cila nuk po i zbaton obligimet që ka.
Sa i përket marrëveshjeve të fundit në Bruksel dhe Ohër, Kosova nuk do të ikë nga detyrimet e saj. Kosova do të zbatojë secilin detyrim që është pajtuar në atë dialog’’, tha Osmani në konferencë për media./Njeshi/
