Presidentja e vendit, Vjosa Osmani, ka pritur në takim të Ngarkuarën me Punë të Ambasadës së ShBA-së në Kosovë, Anu Prattipatin.
Gjatë takimit bëhet e ditur se u diskutuan zhvillimet e fundit në vend dhe pritshmëritë për bashkëpunimin bilateral mes Kosovës e ShBA-së gjatë vitit 2025.
‘Në prag të vizitës së Zëvendës Sekretarit të Shtetit Amerikan për Menaxhimin dhe Resurset, Richard R. Verma, u diskutua për qëllimin e kësaj vizite, si dhe u fol për disa nga temat kryesore që do të trajtohen”, thuhet në njoftimin e presidencës, transmeton Klankosova.tv.
Tutje, në njoftim thuhet se gjatë takimit u fol edhe për rëndësinë e avancimit të bashkëpunimit në fusha të ndryshme.
“Presidentja Osmani potencoi rëndësinë e vazhdimit të partneritetit strategjik ndërmjet Kosovës dhe SHBA-së në adresimin e çështjeve të interesit të përbashkët”, thuhet në njoftim./Njeshi/
