Lideri i AKR-së, Behgjet Pacolli ka reaguar pas replikave të ministrit të Bujqësisë Faton Peci me themeluesen e Kooperativa “Krusha” , Fahrije Hoti.
Duke aluduar në Pecin, Pacolli ka thënë se këta lloj ministrash janë të rrezikshëm.
“ Runa Zot nga ministra hajna, mos mirenjohës, arrogant, të paditur, shpifës, gënjeshtarë dhe kontravers!Këta lloj ministrash janë një rrezik i madh për shoqërinë tonë, sepse, për kauza të rreme dhe interesa të ulëta, nuk hezitojnë të lëndojnë edhe gratë e mbijetuara që kanë humbur familjet dhe gjithçka në luftë. Kur shoh veprime të tilla ndaj këtyre grave të pafajshme, nuk habitem më nga sulmet që këta qyqarë ndërmarrin edhe ndaj meje.”, ka shkruar Pacolli./Njeshi/
