31.3 C
Pec
E shtunë, 22 Qershor, 2024

Paguheshin nga Serbia 1,700 euro – aktakuzë ndaj dy të dyshuarave që u paraqitën si mjeke në objektin pranë policisë

Prokuroria Speciale e Kosovës ka ngritur aktakuzë ndaj dy të pandehurave të cilat kanë ushtruar veprimtari të kundërligjshme në aneksin e objektit të stacionit policor “Qendra” në Prishtinë.

Sipas njoftimit, N.P dhe E.I, deri më 31 janar të këtij vitit, me qëllim të përfitimit të kundërligjshëm të dobisë pasurore, janë paraqitur si anëtare të një OJQ-je, si dhe si mjeke, kanë ofruar shërbime mjekësore pa qenë të licencuara dhe të autorizuara nga institucionet përkatëse të Republikës së Kosovës.

Nga ky shërbim, ato kanë marrë pagesa të rregulta nga Serbia, nga 1,700 euro.

Njoftimi i plotë:

Aktakuzë ndaj dy të pandehurave të cilat kanë ushtruar veprimtari të kundërligjshme mjekësore në aneksin e objektit të Stacionit Policor Qendra në Prishtinë

Prishtinë, 3 qershor 2024– Prokuroria Themelore në Prishtinë, njofton opinionin publik se Prokurori i Shtetit, pas zhvillimit të hetimeve, ka ngritur aktakuzë ndaj N.P. dhe E.I., për shkak të veprave penale ‘’Ushtrimi i kundërligjshëm i veprimtarisë mjekësore ose farmaceutike” dhe “Prodhimi dhe shpërndarja e produkteve të dëmshme mjekësore”, sipas KPRK-së.

Sipas aktakuzës, të pandehurat nga data e pacaktuar, në vazhdimësi e deri më 31 janar 2024, në rrugën “Luan Haradinaj” në Prishtinë, më saktësisht në objektin (aneksin) e bashkëngjitur me Stacionin Policor Qendra në Prishtinë, me qëllim të përfitimit të kundërligjshëm të dobisë pasurore, duke u paraqitur si anëtare të një OJQ-je dhe si mjeke, kanë ofruar shërbime dhe trajtime mjekësore për qytetarët e Kosovës, pa qenë të licencuara dhe të autorizuara nga institucionet përkatëse të Republikës së Kosovës, e për të cilat shërbime kanë pranuar pagesa të rregullta mujore nga autoritetet e shtetit të Serbisë, në shumën deri 1,700.00 euro.

Po ashtu, me datë, kohë dhe vend të njëjtë, pas zbatimit të urdhër kontrollit nga ana e Policisë së Kosovës, të pandehurave të lartcekura, u janë gjetur në posedim barëra e produkte mjekësore pa banderola të Republikës së Kosovës dhe pa prejardhje, duke iu shërbyer qytetarëve të Kosovës, pa ju bërë kontrolle të nevojshme nga personi apo institucioni i autorizuar, çka me këtë kanë rrezikuar jetën dhe shëndetin e qytetarëve të Republikës së Kosovës.

Prokurori i Shtetit, i ka propozuar gjykatës, që të pandehurat të shpallen fajtore dhe të dënohen sipas ligjit për veprat penale të cilat iu vihen në barrë, si dhe ka propozuar që barnat dhe produktet mjekësore të konfiskohen dhe të njëjtat të asgjësohen sipas procedurës së paraparë ligjore./Njeshi/

 

Paguheshin nga Serbia 1,700 euro – aktakuzë ndaj dy të dyshuarave që u paraqitën si mjeke në objektin pranë policisë

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...