Një operacion kërkimi dhe shpëtimi është duke u zhvilluar, pasi një aeroplan pasagjerësh dhe një helikopter ushtarak u rrëzuan mbi një lumë të madh në Uashington DC.
Aeroplani i aviokompanisë i American Airlines, me 60 pasagjerë dhe katër anëtarë të ekuipazhit në bord, po ulej në aeroportin kombëtar të Uashingtonit, Ronald Reagan, kur ndodhi përplasja në ajër.
Helikopteri i ushtrisë amerikane Black Hawk kishte tre ushtarë në bord.
Të dy fluturaket ranë në lumin Potomac, pasi u përplasën rreth orës 21:00 sipas kohës lokale.
Aeroplani i pasagjerëve ishte pak çaste larg uljes, pasi ishte nisur nga Wichita, Kansas, ndërsa helikopteri ushtarak ishte në një fluturim stërvitor.
Ka shumë viktima, sipas një burimi të cituar nga agjencia e lajmeve Associated Press.
US Figure Skating, organi kombëtar qeverisës për sportin në SHBA, tha në një deklaratë se disa anëtarë të komunitetit të saj të patinazhit ishin në aeroplanin e pasagjerëve.
Ai tha se atletët dhe trajnerët po ktheheshin në shtëpi nga kampi kombëtar i zhvillimit në Kansas.
Në anën tjetër në rrjetet sociale kanë filluar të shfaqen pamje të reja që pretendohet se shfaqin përplasjen e aeroplanit me helikopterin. /Njeshi/
