19.1 C
Pec
E martë, 21 Maj, 2024

Paralajmërimet e SBASHK-ut për grevë, Nagavci kërkon maturi: Të punojmë në përmirësimin e cilësisë në arsim

Ministrja e Arsimit, Shkencës, Teknologjisë dhe Inovacionit, Arbërie Nagavci, ka kërkuar nga SBASHK-u të jetë e matur në deklarimet e tyre për protestë më 1 maj, ndërsa për kërkesat e tyre thotë se i kanë adresuar.

Nga Sindikata e Arsimit kanë paralajmëruar protestë më 1 maj, ndërsa kanë akuzuar kabinetin qeveritar për “qasje destruktive ndaj sindikatave”.

E para e arsimit, thekson se qëndron çdo herë afër mësimdhënësve dhe se synim ka përmirësimin e cilësisë në arsim, ndërsa thotë se nuk është në dijeni të jetë adresuar ndonjë kërkesë me ndonjë temë të caktuar.

“Çdo kërkesë e adresuar është shqyrtuar, me sa jam në njohuri nuk kemi ndonjë kërkesë zyrtare me ndonjë temë të caktuar me të cilën do të bisedojmë. Si ministre jam çdo ditë afër mësimdhënësve e shkollave, jam tejet e interesuar që bashkë me të gjithë të punojmë për të përmirësuar cilësinë në arsim. Ka shumë punë për të bërë dhe shumë vullnet, kështu edhe kryetarin e SBAShK-ut e tjerët i kisha ftuar që me qenë të matur në deklaratat tyre… Ne i kemi takuar vazhdimisht edhe unë, edhe zëvendësministri, takimet nuk duhet të bëhen sa për tu mbajtur takime por të ketë tema të caktuara për të cilat bisedojmë dhe punojmë bashkë”, thotë Nagavci.

SBASHK ka kërkuar dialog social për plotësimin e kërkesave të tyre dhe ndër të tjera rritjen e vlerës së koeficientit të pagave për së paku 30%./Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...