Kryetari i Komunës së Pejës, Gazmend Muhaxheri ka reaguar në Facebook, pas nderimit të Ambasadorit William Walker, me titullin Doctor Honoris Causa.
Me këtë rast, i pari i Pejës tha mes tjerash, se “Peja do të mbetet në lidhje të përhershme me Ambasadorin Walker dhe rrëfimet e 78 ditëve nga bombardimet e NATO-s.”.
Postimi i plotë i Muaxherit:
Me rastin e 24 vjetorit të masakrës së Reçakut, Ambasadori William Walker, sot u nderua me gradën më të lartë të doktorit të nderit “Doctor Honoris Causa”, nga Universiteti i Pejës “Haxhi Zeka”, i cili me deklaratat e tij publike për masakrën në Reçak, ka bërë kthesë të madhe për historinë e Kosovës.
Peja do të mbetet në lidhje të përhershme me Ambasadorin Walker dhe rrëfimet e 78 ditëve nga bombardimet e NATO-s.
