Vizitë në Modern Mill Kosova. Nga z. Heater dhe znj. Kelmendi nga Ambasada e SHBA.
Përfaqësues të lartë të Ambasadës Amerikane në Kosovë, z. Richard Heater – Zyrtar për Ekonomi, dhe znj. Atdhetare Kelmendi – Këshilltare për Ekonomi dhe Tregti, këto ditë vizituan Distributorin ekskluziv të Modern Mill nga Misisipi në Kosovë, ku u pritën nga presidenti i përfaqësisë, biznesmeni i njohur pejan Mentor Sahiti.
Ndryshe, ‘Modern – Mill Kosova L.L.C’ me seli në SHBA dhe Kosovë, ofron një gamë të përzgjedhur të produkteve unike dhe inovative në industrinë e drurit.
‘Prania e mysafirëve të lartë nga Ambasada e SHBA-ve, shtoi një prekje shoqërie ndërkombëtare në hapësirën tonë të punës dhe ne jemi thellësisht mirënjohës për kohën që ata kaluan me ne. Si distributorë ekskluzivë të Modern Mill nga Misisipi, SHBA, ne jemi jashtëzakonisht krenarë që sjellim në treg një material të ri ndërtimi revolucionar dhe të qëndrueshëm. Ky produkt unik kombinon ngrohtësinë dhe bukurinë e drurit të vërtetë me të gjitha komoditetet e kompoziteve, duke hapur rrugën për një të ardhme më të gjelbër dhe më miqësore me mjedisin.’-ka deklaruar me rastin e kaj vizite, nikoqiri Sahiti.
Sahiti tutje ka shtuar se bashkë me amerikanët besojnë se mund të bëjnë një ndryshim të rëndësishëm në promovimin e qëndrueshmërisë dhe avancimin e praktikave moderne të ndërtimit.
‘Fakti që stafi i Ambasadës pranon dhe mbështesë përpjekjet tona forcon më tej angazhimin tonë për të bërë një ndikim pozitiv në industrinë e ndërtimit dhe mbrojtjen e mjedisit. Interesi i tyre për misionin tonë dhe vlerësimi që ata treguan për produktin tonë inovativ ushqen pasionin tonë për të shkëlqyer edhe më shumë.
Ne shprehim mirënjohjen tonë të përzemërt për stafin e Ambasadës ndanë kohë për të kuptuar biznesin tonë dhe vlerat që ne mbrojmë. Njohuritë dhe inkurajimi i tyre i vlefshëm na kanë frymëzuar për të arritur lartësi të reja dhe për të eksploruar rrugë të reja bashkëpunimi në skenën globale.
Së bashku, ne besojmë se mund të bëjmë një ndryshim të rëndësishëm në promovimin e qëndrueshmërisë dhe avancimin e praktikave moderne të ndërtimit.
Ne jemi të inkurajuar për mundësitë që na presin dhe me inkurajimin tuaj, ne jemi të sigurt për të arritur suksese të madha së bashku.’-tha ai.
Produktet e ‘Modern – Mill Kosova L.L.C’ përfshijnë ACRE™ produktet, të cilat shërbejnë për dizajnimin dhe implementimin e projekteve të mobilerive, qofshin ato në ambiente të brendshme apo të jashtme duke zëvendësuar drurin dhe produktet e drurit në shumë aspekte.
Kjo teknologji inovative siguron një zgjidhje të qëndrueshme, duke ndihmuar në parandalimin e prerjes së papërgjëgjshme të pyjeve duke kontribuar kështu në ruajtjen e mjedisit natyror. Për më shumë, ACRE™ është një material i ri i qëndrueshëm që kombinon qëndrueshmërinë me ngrohtësinë dhe punueshmërinë e drurit të vërtetë. E krijuar nga lëvozhga e riprodhuar e orizit, ACRE™ është e fortë, e ngurtë, e lehtë dhe ofron përformancë të jashtëzakonshme.
Modern Mill Kosova L.L.C është një kompani lider në tregun e Kosovës, e cila ofron materiale inovative të ndërtimit, në mënyrë që bota të krijojë një të ardhme më të qëndrueshme.
Modern Mill Kosova L.L.C është përfaqësues ekskluziv i markës më të mirë amerikane ACRE nga Modern Mill për Kosovën, Malin e Zi, Shqipërinë, Maqedoninë e Veriut, Kroacinë, Slloveninë dhe BeH./Njeshi&RADIO 1/
