Një person nga Rahoveci ka raportuar në Stacionin Policor në Rahovec se ka gjetur një shumë parash.
Me ç’rast, Policia e Kosovës bën thirrje që pronari i parave të paraqitet në stacionin policer për të identifikuar shumën dhe për të marrë në posedim parat e gjetura, shkruan Gazeta online Reporteri.net.
“Më datë 18.08.2024, një qytetar i ndershëm me inicialet F. P., nga Rahoveci ka raportuar në Stacionin Policor në Rahovec se ka gjetur një shumë parash, në trotuar në rrugën “UÇK”, afër Restorantit “Esra Palase”. Me qëllim të gjetjes së pronarit të ligjshëm, ftojmë qytetarin që ka humbur këto para të paraqitet në stacionin policor në Rahovec për të identifikuar shumën dhe për të marrë në posedim parat e gjetura”, thuhet në njoftimin e Policisë në Facebook./Njeshi/
