Në mediat angleze, po qarkullon një foto e një personi që po qëndron mbi çati ndërsa policia gjendet në dritare duke kontrolluar pikërisht për atë person.
Bëhet fjalë për shqiptarin, Etmond Lika i cili u ngjit mbi çati në momentin që policia ka nisur kontrollin në godinën me 6 dhoma të përshtatur për kultivimin e kanabisit.
200 bimë u gjetën gjatë operacionit, por shqiptari nuk u kap menjëherë.
Pas kërkimesh intensive 32-vjeçari pranoi fajin para gjykatës. Ai tha se kishte ardhur në Angli me gomone shtatorin e kaluar, me shpresën për një të ardhme më të mirë.
Avokati i tij argumentoi se i duhet dhënë një vendim i butë, për shkak se e ka kuptuar fajin dhe se nuk ka dënime të mëparshme. Në fund gjykata e dënoi me dy vite e katër muaj burg.
