Policia e Kosovës ka gjetur armë dhe municione në Mitrovicën e Veriut pasditen e së mërkurës.
Lajmin e ka konfirmuar zëvendësdrejtori i Policisë së Kosovës në Rajonin e Veriut, Veton Elshani.
Pas marrjes së informatave, njësitet policore kanë kryer kontrolle në një ndërtesë kolektive në rrugën “Ivo Lola Ribar”, ku në bodrum janë gjetur dhe konfiskuar:
8 karikatorë me fishekë;
1 tromblon;
Pajisje shtesë për montim në armë, të destinuara për gjuajtje me tromblon.
Policia ka njoftuar prokurorin e shtetit dhe ka nisur hetimet për zbardhjen e rastit dhe identifikimin e personave përgjegjës.
Në kuadër të veprimeve hetimore, është intervistuar një person i dyshuar në lidhje me rastin./Njeshi/
