Një pjesë e qendrës tregtare në Breg të Diellit është përfshirë nga flakët pasditen e së enjtes.
Policia e Kosovës ka bërë të ditur se nga ky rast nuk ka persona të lënduar.
Zëdhënësja për rajonin e Prishtinës, Flora Ahmeti tha se në vendin e ngjarjes kanë dalë zjarrëfikësit dhe Policia të cilët po merren me rastin.
“Sot rreth orës 17:00, kemi pranuar informatën për një zjarr në një objekt në lagjen Bregu i diellit në Prishtinë. Në vendngjarje kanë dalë zjarrfiksit dhe policia të cilët janë duke u marrë me rastin. Nuk raportohet për persona të lënduar”, tha Ahmeti /Njeshi/
