10.3 C
Pec
E shtunë, 24 Shkurt, 2024

Policia parandalon kontrabandën me mallra, konfiskon tekstil në vlerë shtatë mijë euro në Gjilan

Policia në bashkëpunim me Doganën e Kosovës ka zhvilluar një operacion, ku në kufirin mes Kosovës dhe Maqedonisë së Veriut është parandaluar kontrabanda me mallra.

Një mjet i cili po vinte nga shteti fqinj, dyshohet se përmes rrugëve malore kishte për qëllim kontrabandën e tekstilit në Kosovë.

Njoftimi i plotë:

Policia e Kosovës, në bashkëpunim me Doganën e Kosovës, parandalojnë edhe një rast të kontrabandimit me mallra Policia e Kosovës, si rezultat i zhvillimit të aktiviteteve operative dhe hetimore në terren, në bashkëpunim me Doganën e Kosovës, ka parandaluar edhe një rast të kontrabandimit me mallra në brezin kufitar në mes të Republikës së Maqedonisë Veriore dhe Republikës së Kosovës.

Me datën 13.12.2023 njësitë Task Forcë – Lindje, së bashku me njësitë nga Dogana e Kosovës, kanë identifikuar një automjet të dyshuar me targa vendore, i cili dyshohet se përmes rrugëve malore nga RMV ishte duke sjellë mallra të kontrabanduara në drejtim të Gjilanit. Automjeti i dyshuar është përcjellë nga njësitë e lartcekura deri tek automjeti i dytë i përfshirë në rast, i cili po priste ta pranonte mallin e lartcekur.

Gjatë kontrollit të realizuar në automjet është gjetur tekstil në disa thasë, kryesisht veshmbathje të ndryshme, në sasi prej gjithësej 617 copë, ku vlera e përgjithshme e mallit sipas tregut kap shifrat rreth 7000 euro (shtatë mijë euro).
Lidhur me rastin të gjitha veprimet janë ndërmarrë në bashkëpunim me Prokurorinë e Shtetit, me vendim të së cilës malli së bashku me automjetin dërgohen në terminalin doganor ‘Dheu i Bardhë’, ndërsa tre personat e dyshuar të përfshirë në rast janë liruar në procedurë të rregullt. /Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...