Policia e Kosovës ka prezantuar dronët që i mori donacion nga Shtetet e Bashkuara të Amerikës.
Në njoftimin e Policisë së Kosovës, thuhet se kryepolici, Gazmend Hoxha e ka falënderuar ambasadën e Amerikës në Kosovë për përkrahjen e vazhdueshme.
Siç njoftohet bëhet fjalë për 6 dronë për Policinë e Kosovës dhe një për IPK-në.
“Realizimi i këtij projekti do të ndikojë në mënyrë pozitive në luftimin e të gjitha akteve kriminale, do të ndihmojë drejtpërsëdrejti në kryerjen e aktiviteteve policore në terren si dhe do të rrisë efikasitetin e punës policore në shumë fushëveprime.” – thuhet ndër të tjera.
E për këtë ka folur edhe ambasadori amerikan, Jeff Hovenier që ka thënë se këta dornë do të përdorën për të luftuar krimin.
“Duke marrë parasysh shkallën e veprimtarive kriminale të grupeve kriminale dhe krimit të organizuar në rajon, këto sisteme të dronëve do të jenë një kyçe për Policinë e Kosovës për të siguruar luftimin e krimit”, tha Hovenier. /Njeshi/
