Kryetari i Prishtinës, Përparim Rama, njofton se nga e hëna nis matja e zhurmave në lokalet e gastronomisë në kryeqytet.
Rama shprehet se kushdo që tejkalon me zhurmë nga aq sa lejohet, do të gjobitet.
“Vizituam sot Dhomën e Monitorimit të Ndotjes Akustike në Inspektoriatin e Kryeqytetit.
Nga e hëna fillojmë edhe zyrtarisht punën dhe duke u bazuar në rregulloren e miratuar në Kuvend, të gjitha lokalet e gastronomisë në Kryeqytet, të cilat nuk respektojnë decibelët e lejuar do të gjobiten”, ka shkruar Rama.
Siç ishte paralajmëruar, gjobat sillen nga 500 deri në 5000 euro./Njeshi/
