Agjencia Kadastrale e Kosovës ka njoftuar se tashmë ka publikuar edhe ortofotot për zonat rurale në Gjeoportalin Shtetëor.
Sipas një komunikate të AKK-së, në përputhje me legjislacionin në fuqi, Agjencia Kadastrale e Kosovës (AKK) është përgjegjëse për realizimin e aero-fotografimit, krijimin e modeleve digjitale të terrenit dhe prodhimin e ortofotove.
Tashmë në Gjeoportalin Shtetëror, përveç se janë publikuar ortofotot për zonat urbane me rezolucion prej 8 cm, duke ofruar një pamje të detajuar dhe të saktë të këtyre zonave, njëherit janë publikuar ortofotot për zonat rurale, me një rezolucion prej 15 cm, për një pasqyrim të plotë të territorit të Republikës së Kosovës./Njeshi/
