0.2 C
Pec
E martë, 30 Nëntor, 2021

PZAP refuzon kërkesën e Vetëvendosjes për rivotim në 23 vendvotime në Prizren

Paneli Zgjedhor për Ankesa dhe Parashtresa (PZAP) ka refuzuar kërkesën e Lëvizjes Vetëvendosje për rivotim në disa vendvotimeve në Prizren.

Lëvizja Vetëvendosje kishte kërkuar që në 23 qendra të anulohet rezultati i publikuar dhe të urdhërohet Komisioni Qendror i Zgjedhjeve (KQZ), të organizojë rivotimin si shkak i diferencës së daljes së votuesve për të votuar dhe fletëvotimet në kutitë e votimeve.

PZAP në vendimin e publikuar thotë se pretendimet e LVV-së duke u bazuar në rezultatet preliminare të KQZ-së kanë bazë të paqëndrueshme.

Vendimin e plotë të PZAP mund ta gjeni KËTU.

Ndryshe, sot Komisioni Qendror i Zgjedhjeve (KQZ) ka marrë vendim për certifikimin e rezultateve përfundimtare të balotazhit për kryetarë të komunave, me përjashtim të komunës së Prizrenit, Kllokotit dhe Dragashit.

Kryetari i Komisionit Qendror të Zgjedhjeve, Kreshnik Radoniqi, kishte njoftuar se në PZAP janë ende çështjet e Prizrenit dhe Kllokotit, ndërsa në Gjykatën Supreme është duke u trajtuar çështja e Dragashit.

Sipas rezultateve preliminare që kishte shpallur KQZ, komunën e Prizrenit e kishte fituar Shaqir Totaj nga Partia Demokratike e Kosovës./Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...