29.6 C
Pec
E martë, 23 Korrik, 2024

Kosova e shpall 11 korrikun Ditë Përkujtimi për viktimat e gjenocidit në Srebrenicë

Qeveria e Kosovës ka miratuar sot propozim-vendimin për shpalljen e 11 korrikut si ditë përkujtimore të gjenocidit në Srebrenicë.

Kryeministri Kurti në mbledhjen e Qeverisë tha se ky është një veprim fisnik e i duhur në emër të Kosovës, të universales njerëzore e të dëshirës për drejtësi e paqe që të mos harrohet kurrë gjenocidi në Bosnjë, Kosovë e askund në botë.

“Ne sot po i bashkohemi memeorializimit të 11 korrikut, si ditë e përkujtimit të gjenocidit në Srebrenicë, bazuar edhe në rezolutën që kemi miratuar në Kuvendin e Kosovës që dënon gjenocidin në Srebrenicë, në rezolutën përkatëse të PE-së e në vijim të rezolutës që u votua  në Asamblenë e Kombeve të Bashkuara, më 23 maj sivjet. Ky është veprim fisnik e duhur në emër të Kosovës, të universales tonë njerëzore e dëshirës për drejtësi e paqe, që të mos harrohet e përsëritet më gjenocidi, as në Bosnje, as në Kosovë e askund në botë”, tha Kurti.

Qeveria mbajti edhe një minutë heshtje në kujtim të viktimave të gjenocidit në Srebrenicë.

Kombet e Bashkuara (OKB) në maj të këtij viti ka miratuar rezolutën që përcakton 11 korrikun si Dita e përkujtimit të gjenocidit të Srebrenicës, me mbështetjen dërrmuese të Asamblesë së Përgjithshme të OKB-së.

Duke dënuar mohimin e gjenocidit të Srebrenicës, rezoluta denoncoi glorifikimin e krimeve kundër njerëzimit, gjenocidit dhe kriminelëve të luftës.

Miratimi i rezolutës u kundërshtua më së shumti nga Serbia dhe Rusia.

Gjykata Ndërkombëtare e Drejtësisë në Hagë e karakterizoi krimin në Srebrenicë si gjenocid në vitin 2007. Beogradi zyrtar dhe autoritetet e entitetit serb të Bosnjë e Hercegovinës, Republika Sërpska, e mohojnë gjenocidin. /Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...