Qeveria në detyrë e Kosovës ka mirëpritur kërkesën e Parlamentit Evropian ndaj BE-së për heqjen e masave ndëshkuese ndaj Kosovës.
Zëdhënësi i qeverisë në detyrë, Përparim Kryeziu tha për media se masat po mbahen në fuqi padrejtësisht dhe si të tilla duhet të largohen.
“Ne e mirëpresim draft raportin e raportuesit për Kosovë në Parlamentin Evropian, Riho Terras në të cilën kërkohet largimi i menjëhershëm i masave të Bashkimit Evropian ndaj Kosovës. Kjo kërkesë tash i shtohet edhe rekomandimit të ish-Përfaqësuesit të Lartë të BE-së Josep Borrell për largimin e tyre. Me këtë rast, ritheksojmë gjithashtu kërkesën tonë për largimin e masave ndaj Kosovës të cilat u vendosën padrejtësisht, dhe po vazhdojnë të mbahen padrejtësisht, tha Kryeziu/Njeshi/
