Qeveria e Kosovës ka mbajtur një mbledhje elektronike nga e cila kanë marrë dy vendime.
Përmes një komunikate për media, bëhet e ditur se Qeveria ka ndarë 100 mijë euro në përkrahje të koalicionit global kundër ISIS/DAESH.
Po ashtu, kanë njoftuar se kanë emëruar Komisionin ad hoc të pranimit për pozitën e kategorisë së lartë drejtuese.
“Qeveria e Republikës së Kosovës ka mbajtur një mbledhje elektronike në të cilën ka:”
-Emëruar Komisionin Ad hoc të Pranimit për Pozitën e Kategorisë së Lartë Drejtuese: Inspektor i Përgjithshëm, në kuadër të Zyrës së Kryeministrit.
-Ndarë 100,000.00 euro në përkrahje të Koalicionit Global kundër ISIS/DAESh./Njeshi/
