13.1 C
Pec
E shtunë, 2 Mars, 2024

Ramadani: KFOR-i nuk lejoi ministrin Krasniqi të hyjë në objektin e Komunës së Zveçanit, kjo është shqetësuese

Ish-kryeinspektori i Agjencisë Kosovare për Inteligjencë, Burim Ramadani, ka deklaruar se ministrit të Administrimit të Pushtetit Lokal, Elber Krasniqi, i është ndaluar hyrja në objektin e Komunës së Zveçanit nga ana e KFOR-it.

Sipas tij, ngjarja ka ndodhur të hënën derisa ministri kishte shkuar për ta takuar Kryetarin e Komunës së Zveçanit.

“KFOR-i nuk lejoi ministrin Elbert Krasniqi të hyjë në objektin e Komunës së Zveçanit. Ngjarja ka ndodhur këtë të hënë, më 29 janar 2024, në orët e pasdrekës derisa Ministri i Qeverisë së Kosovës shkoi për ta takuar Kryetarin e Komunës së Zveçanit”, ka shkruar Ramadani në Facebook.

Ai tutje ka thënë se KFOR-i ka kthyer mbrapsht ministrin Elbert Krasniqi nga Komuna e Zveçanit, “duke dhënë kështu një indikacion, për mua, shqetësues për fazën se si KFOR duket që ka vendosur të ushtrojë kompetencat e veta”.

“Në fakt, KFOR-i nuk ka pasur të drejtë t’i ndalojë hyrjen ministrit Krasniqi, ndërsa kjo është një dëshmi fort e keqe për nivelin e raporteve midis Qeverisë së Kosovës dhe prezencën ndërkombëtare ushtarake”, ka shtuar Ramadani.

Lidhur me këtë çështje, Telegrafi ka provuar të kontaktojë me ministrin, por i njëjti nuk ka qenë i qasshëm. Po ashtu, ka dërguar pyetje në adresë të MAPL-së dhe është në pritje të përgjigjes.\Njeshi\

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...