Në kuadër të Manifestimeve për 26-vjetorin e Çlirimit të Pejës, janë shpallur edhe titujt tradicional të Nderit.
Biznesmenët e fuqishëm kosovar nga Peja, Ramiz Kelmendi, Ekrem LLuka dhe Vëllëzërit Blerim e Shkëlqim Devolli, janë shpallur ‘Nderi i Qytetit’.
Nën patronatin e Kryetarit të Komunës së Pejës, Gazmend Muhaxheri dhe në organizim të Drejtorisë për Kulturë, Rini dhe Sport është shënuar me dinjitet dhe solemnitet 26-vjetori i Çlirimit të qytetit të Pejës.
Peja, lulja e bukur e Dukagjinit ka festuar me krenari dhe emocione Ditën e saj të Çlirimit!
Në sheshin “Skënderbeu” është mbajtur manifestimi qendror, i cili u hap me një program artistik dhe kulturor për fëmijë duke krijuar një atmosferë emocionuese për të gjithë të pranishmit.
Pjesë përbërëse e manifestimit qendror ishte edhe performanca artistike nga Fakulteti i Arteve i Universitetit “Haxhi Zeka” në Pejë, e cila i shtoi vlerë artistike dhe kulturore këtij manifestimi të rëndësishëm për qytetin.
Në kuadër të aktiviteteve zyrtare për shënimin e Ditës së Çlirimit të Pejës, Komuna e Pejës organizoi një ceremoni solemne të ndarjes së titujve të nderit, dekoratave dhe mirënjohjeve, si shprehje e vlerësimit institucional për kontributin e jashtëzakonshëm të personaliteteve dhe institucioneve në dobi të qytetit dhe shoqërisë.
Kryetari i Komunës së Pejës, z.Gazmend Muhaxheri dhe Kryesuesi i Kuvendit Komunal të Pejës, Rexhep Kurtbogaj ndanë titujt dhe dekoratat për të nderuar figura të shquara nga fusha të ndryshme.
Me Titullin “Qytetar Nderi” u nderuan:
• Halil Kastrati
• Zija Mulhaxha
• Rosaria Succurro
• Ukë Hysen Nimani
• (Post mortum) Xhevdet Ademaj
• (Post mortum) Dervish Avdijaj.
Me Titullin “Nderi i Qytetit” u nderuan:
• Ramiz Kelmendi
• Ekrem Lluka
• Blerim Devolli
• Shkëlqim Devolli
• Dekorata “Lekë Dukagjini” – Gëzim Muriqi
• Dekorata “Azem Shkreli” (Post mortum) – Sylë Osmanaj.
Me Titullin “Mirënjohje” u nderuan:
• Shoqata e Sportit
• SHBA “Gjeravica”
• Vehbi Shala
• Mevlyde Pupovci.
Përmes kësaj ceremonie, Komuna e Pejës shpreh mirënjohjen e saj të thellë për kontributet e çmuara, që kanë ndikuar në zhvillimin, përfaqësimin dhe përparimin e qytetit tonë.
Këto vlerësime përfaqësojnë jo vetëm nderim institucional, por edhe një frymëzim për gjeneratat e reja, që të ndjekin rrugën e angazhimit dhe përkushtimit ndaj shoqërisë./Njeshi&RADIO 1/
