Mëngjesin e sotëm një aksion i madh policor u zhvillua në Kaçanik, që lidhet me rastin e vrasjes së rreshterit policor, Muhamed Lika.
Në këtë aksion janë arrestuar deri në tetë persona.
Për të dhënë detaje Prokuroria Themelore ka thirrur konferencë me fillim nga ora 11:30.
“Pjesëmarrës në këtë konferencë do të jenë Kryeprokurori i Prokurorisë Themelore në Ferizaj, z.Burim Çerkini dhe Drejtoria Rajonale e Policisë së Kosovës”, thuhet në njoftim.
Po ashtu në këtë konferencë do të marrë pjesë edhe drejtori i Përgjithshëm i Policisë, Gazmend Hoxha. /Njeshi/
