Kryetari i AAK-së në Pejë dhe ish-kryetar i kësaj komune, Ali Berisha, ka reaguar pas lajmit të kobshëm për vdekjen tragjike të tre anëtarëve të familjes Gashi nga Peja, në aksidentin e mbrëmjes në rrugën Pejë – Mitrovicë.
‘Peja sot është e zymtë dhe e bashkuar në pikëllimin e saj.’-ka shkruar mes tjerash Berisha.
Reagimi i plotë:
‘Me dhimbje të thellë morëm lajmin për humbjen tragjike të tre anëtarëve të familjes Gashi nga Peja në aksidentin e sotëm.
Kjo ngjarje e rëndë na ka tronditur të gjithëve, duke na lënë të pikëlluar për humbjen e jetëve të pafajshme.
Ngushëllimet më të sinqerta familjes Gashi dhe të afërmve të tyre në këto momente të rënda.
Urojmë që shpirtrat e tyre të pushojnë në paqe, ndërsa lutemi që Zoti t’ju japë forcë për të përballuar këtë dhimbje të pamasë.
Peja sot është e zymtë dhe e bashkuar në pikëllimin e saj.’-shkruan Ali Berisha./Njeshi&RADIO 1/
Peja në zi, fort e dhimbshme: Viktimat e aksidentit të sontëm, janë të të njëjtes familje pejane