8.2 C
Pec
E shtunë, 2 Mars, 2024

Reagon BE-ja për mbylljen e komunave paralele dhe OJQ-së, kërkon zgjidhje përmes dialogut

Bashkimi Evropian ka reaguar për mbylljen e komunave paralele dhe OJQ-së, duke thënë se mbyllja e tyre do të ketë efekte negative.

Zëdhënësi i BE-së, Peter Stano ka thënë se BE-ja i kërkon Kosovës që të shmangë veprimet që mund të rrisin tensionet dhe t’i adresojë këto çështje përmes dialogut, njofton Klankosova.tv.

“Mbyllja e papritur e këtyre zyrave do të ketë efekte negative në jetën e përditshme dhe kushtet e jetesës së komunitetit serb në Kosovë, pasi do të kufizojë qasjen e tyre në shërbimet themelore sociale duke pasur parasysh mungesën e dukshme të alternativave në këtë moment”.

“Statusi i këtyre strukturave është paraparë të zgjidhet në dialogun e lehtësuar nga BE-ja, në lidhje me themelimin e Asociacionit/Bashkësisë së komunave me shumicë serbe. Prandaj, BE-ja i kërkon Kosovës që të shmangë veprimet e njëanshme që mund të rrisin tensionet dhe t’i adresojë këto çështje përmes dialogut të lehtësuar nga BE-ja”, thuhet në reagimin e BE-së.

Ndërkaq, një natë më parë në lidhje me këtë çështje reagoi edhe ShBA-ja, ku ambasadori Jeffrey Hovenier, ka thënë se qeveria amerikane është thellësisht e shqetësuar me veprimet e fundit të Qeverisë së Kosovës.

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...