-0.9 C
Pec
E premte, 27 Janar, 2023

REL: Kadriu, 21 ditë punë për asfaltimin e Urës së Kaçanikut. Përfundimi i autostradës varet nga temperaturat

Autostrada që lidh kryeqytetet Prishtinën dhe Shkupin, ishte paraparë të përfundonte në fund të këtij viti, por, në bazë të punëve në terren, lëshimi në qarkullim i kësaj autostrade mund të shkojë përtej këtij afati.

Zëvendësministri i Infrastrukturës, Rexhep Kadriu, në një bisedë për Radion Evropa e Lirë, tha se në nevojiten edhe 21 ditë punë për asfaltimin e Urës se Kaçanikut, por që për realizimin e këtij procesi duhet të pritet ngritja e temperaturave mbi 5 gradë celsius.

Ndërkaq, me përfaqësuesit e konsorciumit “Bechtel- Enka” ka qenë e pamundur të kontraktohet, për të marrë një konfirmim se kur mund të përfundojë projekti dhe cilat janë arsyet e shtyrjes së afatit.

Autostrada Prishtinë-Shkup e quajtur “Arbën Xhaferi”, me gjatësi prej rreth 60 kilometrash, buxhetit të Kosovës pritet t’i kushtojë mbi 600 milionë euro, por që kontrata në mes Qeverisë dhe konsorciumit nuk është bërë asnjëherë publike.

Ura e Kaçanikut llogaritet ura më e gjatë në rajon, gjatësia e se cilës është 5733 metra./Njeshi

https://www.youtube.com/watch?v=3FPExNyDIhM
]]>
- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...