6.3 C
Pec
E shtunë, 4 Shkurt, 2023

Rexhep Selimi komenton deklaratën e Thaçit “Pa shkelur mbi trupin tim ndarja e Kosovës nuk ndodh”

Deputeti i Kuvendit të Kosovës, Rexhep Selimi ka komentuar deklaratat e presidentit të vendit, lidhur me temën e ndërrimit të kufijve. Pasi Thaçi dje në Tiranë tha pa shkelur mbi trupin e tij nuk mund të cenohet territori i Kosovës, deputeti i Lëvizjes Vetëvendosje ka thënë se “mbi një trup të shtrirë e të përkulur, sikur ai i Thaçit, kalon shumëçka”.

Në llogarinë e tij facebook, Rexhep Selimi ka thënë se kufijtë e Kosovës janë në rrezik.

Shkrimit të tij, Selimi ia ka bashkangjitur edhe një fotografi të Thaçit, e realizuar dy vjet më parë në fshatin Grackë të Lipjanit, ku Thaçi vendosi kurora me lule në një pllakë përkujtimore të serbëve.

Ky është reagimi i Selimit:

Në Samitin e Diasporës që u mbajt dje në Tiranë, ‘presidenti i Kosovës’ deklaroi: “se unë nuk lejoj pa kaluar mbi trupin tim, të ndryshohet kufiri i Kosovës”.

Pra, ai citoi një thënie popullore por me një ndryshim të vockël…

Thënia së cilës iu referua pjesërisht Thaçi thotë: “pa kaluar mbi trupin tim të vdekur…”

Siç duket Thaçi e paska pasur fjalën se “pa kaluar mbi trupin e tij të gjallë nuk ndryshohen kufijtë e Kosovës”.

Po del se kufijtë prapë qenkan në rrezik, sepse mbi një trup të shtrirë e të përkulur, sikur ai i Thaçit, kalon shumëçka..

]]>
- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...