Mesfushori i Manchester Cityt, Rodri, ka thënë që bashkëlojtari i tij te ky klub, Phil Foden, mund të bëhet më lojtari më i mirë anglez i të gjitha kohërave.
Këto fjalë i tha pasi Fodeni mori mbrëmë çmimin e lojtarit më të mirë të vitit në Premier Ligë.
“Jam shumë i lumtur për Philin. Që të jem i sinqertë, ai është një djalë shumë i mirë, një djalë shumë i turpshëm”, ka thënë Rodri në mbrëmjen ku u dhanë çmimet e më të mirëve të Premier Ligës për edicionin e shkuar.
“Për mua, ai e ka aftësinë për t’u bërë lojtari më i mirë anglez në histori kur të përfundojë karrierën e tij. Ai duhet ta mbajë lart nivelin e lojës së tij, ai tashmë është njëri prej lojtarëve më të mirë në ligë dhe në Evropë”./Njeshi/
