Roma ka shënuar fitore me rezultat minimal 1-0 ndaj Fiorentinës në shtëpi në kuadër të javës së 35-të në elitën e futbollit italian.
Mysafirët patën një rast serioz në minutën e 27-të përmes Moise Kean, por goditja e tij u ndal nga Mile Svilar.
Ishte pikërisht Kean që rrezikoi sërish portën e Romës në minutën e 30-të, por sërish nuk ia doli ta gjejë rrugën e rrjetës.
‘Giallorossët’ shënuan golin e fitores në minutat shtesë të pjesës së parë përmes Artem Dobvyk, i cili realizoi për 1-0 me kokë.
Në pjesën e dytë mysafirët patën një tjetër rast të artë shënimi me anë të Rolando Mandragoras në minutën e 66-të dhe ishte një mrekulli për Romën që ajo goditje nuk përfundoi në portë.
Se Fiorentina ishte e pafat në këtë ndeshje e dëshmoi Kean i cili pati një tjetër rast ideal në minutën e 83-të, por u ndal sërish nga Svilar.
Me këtë fitore Roma shkon në kuotën e 65 pikëve dhe ngjitet në pozitën e katërt në Serie A.
t
