Një rrahje masive ka ndodhur në qendër të Deçanit rreth orës 12:00.
Policia ka dalur menjëherë në vendin e ngjarjes, përderisa incidenti ka rezultuar me katër persona të plagosur nga arma e ftoftë.
Lajmin e ka konfirmuar për ‘RADIO 1’, Fadil Gashi – Zëdhënës i Policisë Rajonale të Pejës.
“Ka ndodhur një incident ku janë përdorur edhe armët e ftohta. Jemi njoftuar rreth orës 12:00. Policia i është përgjigjur vendit të ngjarjes me të gjitha njësitë relevante. Janë involvuar pesë persona, nga të cilët kemi katër të plagosur. Nga të plagosurit dy janë nisur për në QKUK dhe dy të tjerë në trajtim spitalor në Pejë. Nuk dihen rrethanat. Ky është lajm i parë.”-deklaroi Gashi për ‘RADIO 1’./Njeshi/
