Rusia dhe Kina kanë
vendosur veto ndaj rezolutës së SHBA-ve, me të cilën kërkohej që sekretari i
përgjithshëm i Kombeve të Bashkuara (OKB), Antonio Guterres, të ndihmoj në
lehtësimin e zgjedhjeve të lira dhe të besueshme në Venezuelë,.
Rezoluta e SHBA-ve po ashtu kërkonte transportin e papenguar të ndihmës në Venezuelë.
Të dy votat e hartuara nga SHBA-të ishin caktuar për një votim nga Këshilli i Sigurimit i OKB-së.
Masat e SHBA-ve morën nëntë vota për, gjë që do të lejonte kalimin e masës, por Rusia dhe Kina, duke vepruar në pozitat si anëtarë të përhershëm të Këshillit, ushtruan të drejtën e tyre për të vendosur veto ndaj rezolutës.
Tre anëtarë të Këshillit të Sigurimit u abstenuan nga votimi.
Rusia e quajti rezolutën e SHBA-ve një përpjekje të fshehtë për të rrëzuar udhëheqësin venezuelian, Nicolas Maduro.
“Kjo është vetëm një perde tymi, qëllimi i tyre është ndryshimi i regjimit”, tha i dërguari i Rusisë në OKB, Vasily Nebenzya.
]]>
