Iniciativa qytetare “Mbijetesa serbe” ka apeluar për pjesëmarrje sa më të madhe në protestën e sotme që do të mbahet në veri të Mitrovicës.
Sipas organizatorëve, protesta do të mbahet kundër politikës së presidentit serb, Aleksandar Vuçiq, në bisedime dhe pranimit pa kushte të marrëveshjes së re.
“Mbijetesa serbe” ka thënë se do të protestojë edhe kundër prezencës së pjesëtarëve të Policisë së Kosovës në veri të vendit.
Protesta do të zhvillohet sot më 25 janar në ora 15:30 në shëtitoren “Mbreti Pjetër” në veri të Mitrovicës. /Njeshi/
