3.7 C
Pec
E enjte, 22 Shkurt, 2024

Sfiduesja e vetme serioze e Donald Trump kërkon mbrojtjen e Shërbimit Sekret

Nikki Haley, sfiduesja e fundit serioze e mbetur e Donald Trump për nominimin republikan në garën për President, ka kërkuar zyrtarisht mbrojtjen e Shërbimit Sekret.

Ajo tha për Wall Street Journal, se nevojitej siguri shtesë për shkak të “çështjeve të shumta”.

“Nuk do të më pengojë të bëj atë që duhet të bëj”, citohet të ketë thënë ajo për mediumin në fjalë.

Haley, e cila në sondazhet e opinionit është pas Trump, i është kërkuar nga ish-presidenti të largohet nga gara dhe të bashkojë partinë kundër demokratit Joe Biden.

Haley, një ish-ambasadore e OKB-së dhe guvernatore e Karolinës së Jugut, aktualisht përdor sigurinë personale gjatë fushatës.

Në aktivitete është e pranishme edhe policia lokale.

“Kur bëni diçka të tillë, merrni kërcënime”, u tha ajo gazetarëve javën e kaluar.

Siç bëhet e ditur më tej, Shërbimi Sekret siguron mbrojtje vetëm pasi autorizohet nga Sekretari i Sigurisë Kombëtare, i cili konsultohet me një komitet këshillues të Kongresit.

Në maj të vitit 2007, Sen. Barack Obama u vu nën mbrojtje pasi një komitet i Kongresit e rekomandoi atë, duke pasur parasysh numrin në rritje të kërcënimeve kundër tij.

Edhe Robert F. Kennedy Jr. ka kërkuar mbrojtjen e Shërbimit Sekret këtë cikël, por nuk e ka marrë. /Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...