3 C
Pec
E enjte, 30 Mars, 2023

SHBK organizon `Javën Ndërkombëtare të Parasë` edhe në Kosovë

“Shoqata e Bankave të Kosovës do të organizojë edhe në Kosovë Javën Ndërkommbëtare të Parasë, një ngjarje globale vjetore që promovon edukimin financiar mes të rinjve. Ngjarja e këtij viti do të mbahet nga data 20 mars deri më 26 mars”, thuhet në njoftimin e SHBK-së.

Sipas kësaj organizatë, është me rëndësi edukimit financiar dhe ndikimi që mund të ketë tek individët dhe komunitetet.

“Duke marrë pjesë në Javën Globale të Parasë, ne synojmë të rrisim ndërgjegjësimin për njohuritë financiare dhe të fuqizojmë të rinjtë që të marrin vendime të informuara financiare.Nëpërmjet aktiviteteve dhe eventeve të ndryshme, ne shpresojmë të edukojmë të rinjtë mbi rëndësinë e buxhetimit, kursimit dhe investimit, si dhe rreziqet që lidhen me huamarrjen dhe borxhin. Ne besojmë se këto aftësi janë thelbësore që të rinjtë të bëhen të pavarur financiarisht dhe të suksesshëm në të ardhmen”, njofton SHBK.

Shoqata e Bankave të Kosovës njofton se gjatë javës së aktiviteteve do të jetë prezente në tre shkolla fillore të Kosovës, në Prishtinë, në Gjilan dhe në Vushtrri.

“Ne inkurajojmë të gjithë të përfshihen dhe të mbështesin Javën Globale të Parasë në mënyrën e tyre. Së bashku, ne mund t’i fuqizojmë të rinjtë me njohuritë dhe aftësitë që u nevojiten për të arritur pavarësinë financiare dhe suksesin. Kjo fushatë për edukim financiar mbështetet nga bankat anëtare të Shoqatës së Bankave të Kosovës dhe organizohet nën patronatin e Organizatës për Bashkëpunim dhe Zhvillim Ekonomik- OECD”, thuhet në njoftimin e Shoqatës së Bankave të Kosovës. /Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...