Pas pushimit prej fushatës zgjedhore, deputetët do të kthehen sot në sallën e Parlamentit.
Në seancën e kësaj të enjteje që do të nisë në orën 10:00, pritet të miratohen dy projektligje të cilat kanë të bëjnë me ratifikimin e marrëveshjeve për zhvillimin e integruar rajonal dhe ndërtimin e urës ndërkufitare mbi lumin Buna.
Kujtojmë se Kuvendi ka pasur një pauzë për më shumë se një muaj për shkak të zgjedhjeve lokale, të cilat u mbajtën më 14 maj 2023. Nga rezultati i zgjedhjeve, socialistët morën kontrollin e 53 bashkive, kundrejt vetëm 7 të fituara nga koalicioni “Bashkë Fitojmë”.
Një tjetër forcë politike, Minoriteti etnik grek për të Ardhmen (MEGA), mori bashkinë e Finiqit.
