33.4 C
Pec
E shtunë, 13 Korrik, 2024

Shqyrtohet projektligji për mbrojtjen e konsumatorit, Hyseni: Do të adresohen të gjitha të drejtat e qytetarëve

Komisioni për Ekonomi, Industri, Ndërmarrësi dhe Tregti ka shqyrtuar Projektligjin për Mbrojtjen e konsumatorit, në të cilën ishin pjesëmarrës përfaqësues nga MINT, organizata ekonomike, oda ekonomike amerikane, AKB e tjerë.

Anëtari i këtij komisioni, deputeti i Vetëvendosjes, Driton Hyseni, tha se nga Komision do të adresohen të gjitha të drejtat e qytetarëve si konsumatorë, por edhe përgjegjësit që ata duhet t’i kenë në raport me ligjin, drejt shfrytëzimi, blerjes së produkteve apo shërbimeve.

“Ligji është përmbajtjesor, është tentuar në mënyrë maksimale që materialet dhe paragrafët e përfshira në ligj të përmbushin çdo të drejtë që kanë konsumatorët”, tha Hyseni.

Hyseni duke i falënderuar pjesëmarrësit, përfaqësuesit nga organizata joqeveritare e institucione të ndryshme i kërkoi komentet në lidhje me projektligjin për mbrojtje të konsumatorëve.

Njazi Shala nga Ministrisë e Industrisë Ndërmarrësisë dhe Tregtisë për departamentin e mbrojtjes se konsumatorit përmendi disa nga dispozitat e këtij projektligji.

“Rëndësia e projektligjit është e natyrës ekonomike sepse mundëson rregullimin e tregjeve, që qon drejt konkurrencës së kualitetit në shërbimin e produkteve. Projektligji ka të bëj me politikat e padrejta tregtare, shërbimet publike, shitjen në aksion, shitje ne tregjet e hapura, kontrata në distancë, blerjet online, garancitë e produkteve, kredisë, ankesat e konsumatorëve dhe masat mbrojtëse e ndëshkuese”, tha ai.

Pjesën e ndryshimeve mes dy leximeve publike qe janë mbajtur në kuvend, risitë sipas Shalës janë harmonizimi me rregullore e Ministrisë së Ambientit për qeset plastike dhe ndalimin e pijeve energjike nën moshën 18-vjeçare.

Lumnije Hajdini nga Aleanca Kosovare e Bizneseve kërkoi nga Ministra e Tregtisë që në kuadër të këtij ligji të bëhet hartimi i planit për mbrojtjen e konsumatorëve.

“Sa ankesa janë trajtuar, gjobitur, dhe rekomandimet do jepen të ardhmen, krejt problemi është zbatimi i ligjit?”, theksoi ajo.

Shala beri te ditur se janë afërsisht diku rreth 3mijë ankesa e 60%prej tyre janë trajtuar por sipas tij për statistika duhet drejtuar tek  përmes inspektoriati.

Deputetja Valentina Bunjaku kërkoi nga të pranishmit propozimet e bëra për ndryshime në ligjet e kësaj fushe.

“Cili nen duhet me ndryshu ose me u plotesu që është në favor të konsumatorit e rëndësisë të këtij projektligjit e dimë, propozonani neve?”, tha ajo.

Një faktor ndikues në këtë projektligj u përmend se janë direktivat për te cilat u tha se do ë ndryshojnë sapo të hyj ligji i ri në fuqi.

Nga ky takim u bë e ditur se tregtia online nuk është e  prekur në këtë projektligj. /Njeshi/

- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...