Ministria e Financave, Punës dhe Transfereve ka njoftuar se është shtyer afati deri më 15 shtator për t’u regjistruar për kalim në skemën parciale kontributive të pensioneve.
Ata të cilët mund të aplikojnë janë pensionistët e larguar dhunshëm nga puna në vitet e 90-ta, të cilët nuk kanë arritur të kenë 15 vite stazh dhe të plotësojnë kriteret e parapara me ligj.
“Pas regjistrimit, zyret e pensioneve do t’i ftojnë pensionistët për paraqitjen e aplikacionit për kalim në skemën parciale kontributive, ashtu që të evitohen pritjet e gjata para sporteleve.”, thuhet në njoftimin e Ministrisë./Njeshi/
