Kanë përfunduar katër duelet e para, të 1/8 së finales në Kupën e Kosovës.
Llapi ka mposhtur Lirinë në udhëtim, me rezultat 3-2 për të kaluar në çerekfinale.
Liria kaloi e para në epërsi me golin e Liridon Fetahajt të shënuar nga penalltia në minutën e 18-të.
Por epërsia e tyre zgjati vetëm tre minuta, pasi kapiteni i llapjanëve Kushtrim Shabani realizoi në minutën e 21-të për t’i barazuar shifrat në 1-1.
Epërsinë e parë Llapit në këtë sfidë ia dha Francisco Rivera me një gol spektakolar nga gjysma e fushës 1-2 kur realizoi katër minuta para fundit të pjesës së parë.
Llapi e nisi mirë pjesën e dytë, kur vetëm pas dy minutash lojë Drilon Fazliu realizoi për 1-3.
Krejt në fund vendasit realizuan edhe golin e dytë, por që Llapi arriti ta menaxhoj mirë rezultatin dhe kaloi tutje në çerekfinale.
Fitore ka marrë edhe Ballkani që ka mposhtur skuadrën nga liga e parë A&N me rezultat të pastër 2-0.
Pasi pjesa e parë përfundoi pa gola, Ballkani në fund të ndeshjes realizoi dy gola për të kaluar tutje.
Golat për Ballkanin i shënuan Albion Rrahmani dhe Lumbardh Dellova në minutat e fundit të ndeshjes.
Feronikeli ka arritur të eliminoj Trepçën ’89 pasi e ka mposhtur me rezultat minimal 1-0 falë golit të Susurit nga pjesa e parë.
Ndeshja mes Flamurtarit dhe Vushtrrisë ka përfunduar me rezultat baras 1-1 dhe skuadra që do të kaloj në çerekfinale do të mësohet pas kohës shtesë.
Vushtrria është skuadra e katërt çerekfinaliste në Kupën e Kosovës, pasi ka eliminuar Flamurtarin pas ekzekutimit të penalltive.
Kanë qenë 90 minuta të zjarrta me shumë raste të mira shënimi, por edhe me dy gola të realizuara.
Pjesa e parë përfundoi ashtu siç filloi me rezultati e bardhë 0-0.
Me të filluar pjesa e dytë mysafirët gjetën golin e epërsisë, kur Taulant Avdyli kaloi Vushtrrinë në epërsi 0-1.
Por vendasit u rikthyen në lojë kur fituan penallti në minutën e 72-të.
I saktë nga pika e bardhë duke barazuar shifrat në 1-1 ishte Trim Islami.
Me rezultatin 1-1 u mbyllen 90 minutat e kohës së rregullt dhe dy skuadrat shkuan në kohën shtesë.
Edhe në kohën e rregullt nuk pati fitues dhe skuadra çerekfinale u mësua pas ekzekutimit të penalltive.
Pas ekzekutimit të penalltive ishte Vushtrria që kaloi tutje me rezultat 4-3. /Njeshi/
