Sot fillon java e 22-të e Superligës së Kosovës në futboll.
Në program për ditën e sotme janë dy ndeshje interesante.
Në stadiumin ”Rexhep Rexhepi” në Drenas, Feronikeli ’74 do të jetë nikoqire e Dukagjinit.
Nikeli deri më tani kanë grumbulluar 11 pikë dhe renditen në vendin e fundit në tabelë, ndërsa skuadra nga Klina ka 25 pikë dhe janë në vendin e tetë.
Ndeshja tjetër e ditës së sotme luhet mes Suharekës dhe Gjilanit,
Skuadra suharekase ka 26 pikë dhe renditet e gjashta, dy më pak se ”Skifterat” që janë në vendin e pestë.
Të dy ndeshjet nisin nga ora 14:00./Njeshi/
