Sot do të zhvillohen tri ndeshje tepër interesante në futbollin kosovar.
Ndeshjet janë të vlefshme për javën e 14-të të AlbiMall Superligës së Kosovës.
Vëmendja kryesore do të jetë në stadiumin ”Përparim Thaqi” në Prizren, ku Liria do të luaj kundër Prishtinës.
Prizrenasit janë të fundit në tabelë me vetë 8 pikë të grumbulluara deri më tani, kurse skuadra nga kryeqyteti ka 17 pikë dhe renditet në vendin e pestë.
Në stadiumin ”Zahir Pajaziti” në Podujevë, Llapi do të jetë nikoqire e Feronikelit ’74.
Skuadra e Llapit nuk di për fitore në katër ndeshjet e fundit dhe renditet në vendin e tretë me 22 pikë, ndërsa Feronikeli ’74 është në vendin e tetë, me 12 pikë.
Ndeshja e fundit zhvillohet mes Dritës dhe Fushë Kosovës.
“Intelektualët” renditen të dytët në tabelë me 22 pikë, në anën tjetër, Fushë Kosova është në pozitën e nëntë, me 10 pikë të grumbulluara.
Të tri këto takime zhvillohen më fillim nga ora 13:00./Njeshi/
