Në Dhomat e Specializuara të Kosovës (DhSK) në Hagë, ka përfunduar dje seanca dytë ndaj ish-krerëve të Ushtrisë Çlirimtare të Kosovës (UÇK), ish-presidentit Hashim Thaçit, ish-kryeparlamentarëve Kadri Veseli dhe Jakup Krasniqi, si dhe ish-deputetit Rexhep Selimi, seancë e cila vazhdoi me dëgjimin e dëshmitares së parë të Prokurorisë.
Seanca ka qenë e mbyllyr për publikun gjatë tërë kohës, për ditën e dytë radhazi, derisa sot në ditën e tretë, pritet që dëshmitarja sërish ta vazhdojë dëshminë pa praninë e publikut.
Para se të paraqitej dëshmitarja në sallë, mbrojtësi i Thaçit, avokati Lluka Mishetiq, ka dorëzuar një provë të re materiale, provë e cila nuk u kundërshtua nga ZPS-ja dhe më pas u pranua nga trupi gjykues. /Njeshi/
