Sot zhvillohen dy ndeshje interesante në basketbollin kosovar, të vlefshme për javën e 17-të të Superligës.
Nga ora 17:00, Golden Eagle Ylli do të jetë nikoqire e Sigal Prishtinës.
Ylli ka shtatë fitore e nëntë humbje, kurse prishtinasit tetë fitore e tetë humbje, andaj pritet një takim i baraspeshuar në Therandë.
Java e 17-të do të mbyllet me derbin prizrenas mes Proton Cable Prizrenit dhe Bashkimit.
Proton Cable Prizreni është në vendin e tetë me katër fitore e 12 humbje, kurse Bashkimi në pozitën e dytë me 11 fitore e pesë humbje.
Kjo ndeshje zhvillohet nga ora 19:00. /Njeshi/