Në vend të qeshjes, gjumit ose një gote të nxehtë me kafe, një akademik japonez thotë se mënyra më efikase që të çliroheni nga stresi është thjesht të filloni të qani. Ish-shkencëtari Hidefumi Yoshida, i cili veten e quan “mësuesin e lotëve”, organizon mësime dhe ushtrime në tërë Japoninë për t’i edukuar njerëzit rreth dobive psikologjike të të qarit, përcjell “Zëri.info”.
“Të qash është më efikase sesa qeshja ose fjetja kundër stresit”, ka thënë ai. Yoshida sqaron se dëgjimi i baladave, shikimi i filmave të dhimbshëm dhe leximi i librave mund të sjellin dobi të mëdha për shëndetin mendor, duke simuluar aktivitetet nervore parasimpatike, që sjell deri te ngadalësimi i ritmit të zemrës. “Nëse qani një herë në javë mund të jetoni pa stres”, ka shtuar ai.
Por Yoshida nuk është i vetmi që insiston se vajtimi ndihmon kundër stresit, pasi edhe një studim i kryer në vitin 2008 me 3000 persona ka zbuluar se personat që kanë qarë janë ndier më mirë në situata të rënda.
]]>
